Esposición del exércitu de Xi´an n'Uviéu

Los Guerreros de Xi'an desembarquen n'Asturies. Hasta 'l 28 de febreru'l públicu de toles edaes va poder esfrutar n'Uviéu de la esposición "Terracotta Warriors. The army of the first emperor of China", entamada por LA NUEVA ESPAÑA, nuna amuesa qu'afaya esti impresionante conxuntu escultóricu, el yacimientu arqueolóxicu más grande del mundu, datáu nel 211 antes de Cristu y un de los más complicaos de ver, yá qu' apenes salen de China estes pervalibles pieces.

L'amuesa -que va poder visitase na segunda planta del centru comercial Los Prados- reproduz la maxa del fosu onde s'atopen les pieces orixinales y, anque los guerreros son retruques -a escala real- homologaes, prinden tola maxa del descubrimientu, acompañaes por un soníu místicu amás d'un llume afayaizu. Dende l'añu 1987, estos fascinantes guerreros tán consideraos como Patrimoniu de la Humanidá pola Unesco, y nel añu 2010 los sos descubridores y escavadores oficiales -l'arqueóloga XuWeihong y el so equipu- recibieron el premiu "Príncipe d'Asturies" de Ciencies Sociales.