Esposición de Rodofo Pico na Galería Cornión de Xixón hasta'l 31 de marzu

La Galería Cornión de Xixón acueye la esposición El Gatobardo, una esposición antolóxica del artista fallecíu en 2017, Rodolfo Pico.
La esposición, compuesta por más de cuarenta obres qu'enllenen los dos espacios de la galería, ye una muestra del universu colorista de Pico, enllenu de perros, gatos, globos, árboles, escaleres, paragües y arquitectures, impecablemente construyíes, que nos tresporten al pie d' él a un mundu templáu, atentu y allegre, nel que les reminiscencies al diseñu gráficu, la publicidá y el mundu del cómic son una constante.

Rodolfo Pico (San Pelayo de Tehona 1952 - Xixón 2017)
Formáu como delliniante, trabayó na so mocedá nel mundu de la publicidá. Bona prueba d'ello ye'l rigor arquitectónicu qu'apaez nos sos cuadros, al pie de numberoses imaxenes procedentes de la iconografía pop. Artista incansable, amás de pintor foi cantautor y poeta esperimental, dibuxó comic underground y collaboró con delles revistes. En 1974, consiguió la so primer esposición individual nel Atenéu Xovellanos, anque un añu antes formó al pie d' otros artistes asturianos de la so xeneración, como Melquiades Álvarez y Pelayo Ortega, el Grupo Segrel. Años más tarde formaría parte del Grupo Difusión Popular xunto a pintores como Kíker, Fresno o Redruello..
Anque a lo llargo de la so trayectoria la so obra pasó por distintes etapes - astracción, pop, realismu máxicu o pintura metafísica - los colores vibrantes de la so paleta y el so tonu atentu fueron unes constantes que lu llevaron a crear un mundu bien personal y fácilmente reconocible.
Participó n'ARCO en delles ocasiones y fizo numberoses esposiciones, tanto individuales como colectives.

La Galería Cornión acueye esta esposición hasta'l 31 de marzu qu' invitámoste a conocer calcando na imaxen del cartelu.