Esposición Covadonga y la fotografía

Hasta'l 30 payares la Casa Cultura de Cangas de Onís acueye la esposición Covadonga y la fotografía. Una muestra que ta itinerando per equipamientos culturales d'Asturies y que forma parte de les actividaes enmarcaes dientro les conmemoraciones vinculaes con Cuadonga nel añu 2018: I Centenariu de la coronación canónica de la Virxen de Cuadonga, I Centenariu de la creación del Parque Nacional de la Montaña de Cuadonga y XIII Centenariu de los oríxenes del Reinu d' Asturies.

Formen la esposición unes doscientes semeyes de la colección del Muséu del Pueblu d' Asturies, que muestren la evolución del Santuariu dende 1863 a mediaos del sieglu XX , la trescendencia relixosa , la presencia social y la so importancia n'Asturies y na emigración.

L'horariu visita ye de llunes a vienres de 10:00 a 13:00 hores y de 16:00 a 21:00 hores.