Entamen les representaciones finalistes del V Premiu de Teatru Profesional Nel Amaro
29.09.2021
El Teatru Filarmónica d'Uviéu va acoyer los vienres 1, 8, 15 y 22 del mes d'ochobre, a les 20:00 hores, les representaciones de les obres finalistes que van optar al V Premiu de Teatru Profesional Nel Amaro en llingua asturiana o gallego-asturianu. Nesti festival va tar presente'l xuráu, formáu por especialistes en teatru y llingua asturiana, que va decidir la obra ganadora yá estrenada n'asturianu o gallego-asturianu, y que podía ser tanto orixinal como versión o adaptación de títulos n'otres llingües.
Depués d'una primer selección realizada nel mes de xunetu, les cuatro compañíes finalistes que van participar nesti V Festival Nel Amaro son:
- El Callejón del Gato, col espectáculu Grana de cardamomu
- Producciones Nun Tris, col espectáculu La reina de la guapura de Leenane
- Factoría Norte, col espectáculu Les piripiripirates con parches y a lo xole y
- Arte Producciones, col espectáculu Setiembre.