Entama FETEN 2018

Esti sábadu 17 de febreru entama FETEN 2018.

Una edición na que'l teatru d'actores, d'oxetos, títeres, circu, danza, música, teatru xestual, maxa, cuentacuentos, teatru de cai, musicales y otres munches disciplines escéniques van volver ser protagonistes de la vixesimoséptima edición de FETEN, que va tener llugar en Xixón ente los díes 18 y 23 de febreru.

Un total de 83 compañíes de 16 comunidaes autónomes y nueve países fueron escoyíes pa presentar les sos últimes producciones escéniques al públicu familiar y al públicu profesional inscritu, procedente de prácticamente tolos puntos del país , con aumentu considerable na presencia de profesionales internacionales.

Anguaño son alredor de 700 los programadores, distribuidores y ceadores inscritos que van llegar a Xixón convirtiendo FETEN n'ún de los eventos culturales más granibles y con mayor repercusión económica nel ámbitu cultural. FETEN ye un gran mercáu escénicu onde escueyen los espectáculos que van llevar a los sos respectivos espacios, teatros o auditorios, nel marcu de les sos programaciones a lo llargo del añu.