Entama CAFCA n'Uviéu del 25 al 27 de xunu

El festival d'artes escéniques pal públicu familiar CAFCA (Cultura, Arte, Familia, Ciudá Abierta) naz pa ufiertar esperiencies culturales distintes a tolos públicos. Les trés  coordenaes que definen esta nueva iniciativa son la espresión artística alternativa (disciplines esperimentales), pa tolos públicos (evitando lo específicamente infantil y empobinándose escontra llinguaxes universales disfrutables tantu por adultos como por neños) y de cai (porque anque s'utilicen escenarios convencionales tamién se trata de salir de los espacios habituales de l'actividá cultural y artística pa plantegar una reflexón sobre otres formes de rellacionase col espaciu públicu).
CAFCA va celebrar la so segunda edición n'Uviéu los díes 25, 26 y 27 de xunu. El programa inclúi más de venti espectáculos d'artistes locales, nacionales ya internacionales con danza, teatru de cai, performances, teatru de solombres, monólogos, talleres, música clásica y música contemporánea.
Los escenarios de CAFCA tareán por tola ciudá, cola Fábrica d'Armes de La Vega como principal campu d'operaciones, pero tomando tamién los Xardinos de la Rodriga, la Plaza de la Escandalera, l'Uviéu Antiguu y los Teatros Filarmónica y Pumarín.

Les actividaes son de baldre hasta completar l'aforu.Calca na imaxen pa conocer tola programación.