Empate del Sporting ante'l Cartagena

Repartu de puntos nel Estadiu del Molinón-Enrique Castro"Quini" que dexa al Sporting con trenta y siete puntos y al Cartagena con ventiún na penúltima posición.

Xustu resultáu d'un alcuentru ensin goles onde l'equipu xixonés dominó na primer metá y el Cartagena nel segundu tiempu, onde pudo marcar pero finalmente nun supo aprovechar la debilidá de los locales.

El Sporting piensa ya nel alcuentru del próximu sábadu a les seis y cuartu en Las Gaunas ante l'U.D. Logroñés,  pa recuperar la capacidá goleadora que lu lleve a avanzar nos primeros puestos de la clasificación.