Empate del Real Oviedo ante'l CF Fuenlabrada

El Real Oviedo nun pudo sumar la so cuarta victoria consecutiva ante'l C.F. Fuenlabrada. Ya que l'equipu madrileñu foi muncho meyor durante los primeros cuarenta y cinco minutos , onde dispunxo de les meyores ocasiones del alcuentru.
Durante la primer metá'l Real Oviedo tuvo metíu atrás y ensin crear apenes peligru, hasta'l minutu cuarenta y dos en que Nahuel Leiva al altor del vértiz de l' área marcaría'l tantu del equipu uvieín.
Tres el descansu'l Real Oviedo tuvo más ofensivu al entamu del segundu periodu,pero nel minutu nueve de la segunda metá l'árbitru pitaría un discutíu penalti a favor del C.F Fuenlabrada, que marcaría'l delanteru francés Aboubakary Kanté.
Otru momentu que definiría l'alcuentru tuvo llugar nel minutu venti de la segunda metá cola espulsión de Blanco Leschuk.
Precisamente'l penalti al entamu de la segunda metá y l'espulsión del delanteru azul condicionaron un resultáu más favorable pal equipu de Cuco Ziganda
El próximu martes vuelve LaLliga SmartBank a les nueve y media la nueche ante'l C D Lugo nel estadiu Anxo Carro.