El Tesoru de Xúpiter.Macro Yincana nel Muséu de les Termes Romanes de Campo Valdés.
Los Museos Arqueolóxicos de Xixón ponen en marcha un nuevu programa denomináu "El Tesoru de Xúpiter", qu'axunta una serie d'actividaes interactives afeches a nueves formes d'ociu y educación.
Previéronse trés tipos d'actividaes:
- Actividaes que necesariamente tienen que desenvolvese nos museos o restos arqueolóxicos pa les que se necesita d'un teléfonu móvil o dispositivu electrónicu
- Actividaes que pueden facese de manera virtual o presencial indistintamente, al traviés de teléfonu móvil
- Actividaes que namás se fadrán de forma virtual.
Macro Yincana
Esta macro yincana ta estremada en trés etapes, tomando caúna d'elles unu de los trés Museos Arqueolóxicos de Xixón y la so contorna.
Inclúi delles pruebes d'habilidá, lóxica y cultura rellacionaes cola hestoria antigua de Xixón. Les distintes etapes van poder facese a lo llargo del añu.
Actividaes presenciales o virtuales
"El falsificador del pasáu".
Con esta actividá quier acercar al públicu a les colecciones de los distintos Museos Arqueolóxicos . Trátase de topar ónde ta la pieza falsificada y cuál ye la real.
Podrá facese amás d'en los museos, en casa o nes aules.
Actividaes virtuales
"La pluma siempres gana a la espada"
Esti ye un xuegu d'entrugues y respuestes con trés niveles de dificultá que puede xugase en cualquier momentu y en cualquier llugar, un xuegu didácticu que va enseñar aspeutos de la hestoria de Xixón rellacionaos cola so dómina más antigua, n'una batalla cultural col primer promotor de les escavaciones arqueolóxiques en Xixón: Xovellanos. Esti xuegu ta disponible en: www.museosarqueologicosgijon.com Tan solo precísase un teléfonu móvil o un dispositivu electrónicu.
Escape room interactivo
L'actividá con delles pruebes d'habilidá, lóxica y cultura rellacionaes cola hestoria antigua de Xixón, la dómina castreña, el mundu romanu y la dómina tardoantigua y venceyaos a los museos y restos arqueolóxicos del conceyu de Xixón.
Estes pruebes fáense n'una sala virtual dende la que podrá vivise delles aventures dende casa, en familia o con amigos y siempres de forma virtual.
"Llares Compitales"
Trátase d'un llibru interactivu empobináu a los más pequeños, basáu na hestoria de Xixón, llenu d'encruciades, nel que cada llector va fabricar la so propia hestoria.
Esti programa entama en Selmana Santa con:
- "El falsificador del Pasáu"
- "El secretu de Xúpiter" Yincana
Dende'l día 29 de marzu( tamién podrá facese a lo llargo del añu).
Reserva previa: 985185151
Daquién ta intentando vender pieces que diz robar nos museos arqueolóxicos de Xixón.El públicu qu'allegue al muséu va poder afayar si les pieces que tán nel mercáu son verdaderes para poder recuperales.
En www.museosarqueologicosgijon.com aquelles persones que nun puedan movese al muséu van poder solucionar el retu al traviés del teléfonu móvil.
Muséu de les Termes Romanes de Campo Valdés
Vienres 2 d'abril, de 10.00 a 14.00 y de 17.00 a 19.00 . Necesítase reserva previa en
www.museosarqueologicosgijon.com.
El día 2 d'abril podrá facese la primera de les etapes de la Macro Yincana, la venceyada a los restos arqueolóxicos de Cimavilla. El Ministeriu del Tiempu Artísticu busca a un equipu capaz d'iinvestigar nos más escuros secretos contaos ente les agües de les termes. Trés actores van dar vida a axentes del Ministeriu del Tiempu Artísticu y van ayudar al grupu a resolver una serie d'enigmes prestándose y aprendiendo na busca de les soluciones ya intentar recuperar la reliquia al traviés d'un percorríu polos restos arqueolóxicos de Cimavilla: Termes romanes, muralla, fábrica de salazones rematando n'esposición "Noticies pa la hestoria" ( Antigua Rula).
Calca na imaxen y atoparás más información.