El Sporting enfréntase al CD Castellón esti domingu a les 18:15 hores en Castalia

El Sporting encara con optimismu l' enfrentamientu énte'l CD Castellón que tendrá llugar esti domingu a les 18:15 hores en Castalia. El Sporting, quintu clasificáu, enfréntase a un CD Castellón , penúltimu na tabla clasificatoria , qu'intentará remontar y recuperar posiciones en cada xornada d'esta segunda vuelta, mientres el Sporting llucha por asegurar los primeros puestos. L'entrenador, David Gallego, comentó les dificultaes y la incertidume d'afrontar un alcuentru frente al CD Castellón que presenta esta tarde un nuevu técnicu.

Juan Carlos Garrido estrénase como entrenador d'un CD Castellón que quier dar la sorpresa y superar al conxuntu xixonés.
De momentu,la primer alliniación de Juan Carlos Garrido ye una incógnita, yá que a la so metodoloxía xúnense les trés baxes por positivos de covid-19 coles que cunta y a la espera de conocese les últimes pruebes feches a la plantiya antes del alcuentru. Mientres que l'equipu xixonés podrá cuntar con tolos xugadores del equipu , ensin problemes na parcela médica nin sancionaos d'anteriores xornaes, incluyíos los nueve futbolistes que dieren positivu por covid-19.

El partíu cuntará col arbitraxe d'Álvaro Moreno Aragón, del comité madrilanu, asistíu por Blázquez Sánchez y García Lozano.