El Sporting empata en Sabadell y suma un puntu

El Sporting sumó un puntu frente un correosu y bregáu CE Sabadell que se punxo per delantre nel marcador al tresformar un penalty Stoichkov, Juan Diego Molina Martínez, nel minutu 24 de la primer metá por falta de Saúl García dientro de l' área.
Tres una primer metá igualada y entretenida marcaría'l máximu goliador del Sporting y de la Lliga SmartBank, Djucka, un gran gol dende fora de l' área con un potente derechazo y de volea pa consiguir l'empate nel minutu 53.
A partir del gol xixonés los roxiblancos dispunxeron de delles ocasiones pa marcar pero les bones intervenciones del porteru local Ian Mackay evitó'l trunfu del equipu asturianu.
El próximu vienres el Sporting enfréntase al equipu de Juan José Anquela, l'A.D. Alcorcón, a partir de les siete la tarde nel Estadiu d'El Molinón-Enrique Castro "Quini".