El Sporting descuélgase de los primeros puestos d'ascensu directu

El Sporting queda con esta derrota con 56 puntos, tien encamináu 'l play off pero perdió la oportunidá d'adelantar al Leganés y Almería.
Un Sporting que tuvo la pólvora moyada de cara a la portería local. Daqué más de pegada tuvieron los tinerfeños, sobre too nel primer tiempu. Y los xixonéses na segunda metá con Djuka,que tuvo sumíu nos primeros 45 minutos , pero qu'entró más en xuegu nel segundu periodu anque ensin ésitu.
Fran Sol marcó l'únicu tantu del alcuentru n'aprovechando un rechace de Mariño al centru de Vada col que superó al porteru roxiblancu.
L'equipu de David Gallego sufre la so segunda derrota consecutiva, una situación inédita nesta temporada.
El próximu sábadu xuégase'l derby asturianu a les seis y cuartu de la tarde nel
estadiu d'El Molinón Enrique Castro "Quini".