El Sporting de Xixón busca n'Almería consolidar el lideralgu na Lliga SmartBank

El Sporting xuega esti domingu a les 18.15 hores nel Estadiu Xuegos del Mediterráneu contra la Unión Deportiva Almería en partíu de LaLiga SmartBank correspondiente a la cuarta xornada. El Sporting va midir el so lideralgu énte unu de los equipos más potentes de la categoría.

L'equipu xixonés desplázase coles baxes médiques de Cristian Salvador (rotura fibrilar nos xemelos del so pie derechu), Marc Valiente (molesties na planta del pie), Pablo Pérez (esguince de rodía derecha) y Pelayo Morilla (micro-rotura n'isquiotibiales). Tamién ye baxa Gaspar, anque federativa, al ser espulsáu la pasada xornada.

Dirixará l'arbitraxe'l catalán Rubén Ávalos Barrera.