El Real Oviedo vuelve empatar antes del derbi col Sporting

Meritoriu empate del Real Oviedo nel Carlos Belmonte énte l'Albacete Balompié a pesar de les dos espulsiones sufríes, la d'Arribas nel primer tiempu y la de Juanjo Nieto nel segundu .
Na primer metá del alcuentru dominó l'equipu carbayón, llegando con más peligru a l'área local,sería Arribas quien abriría'l marcador pal cuadru uvieín. L'autor del gol oviedista sería espulsáu a los diez minutos de consiguir el gol.
Tres la continuación del alcuentru'l Real Oviedo empezó a dexar terrén y l'Albacete empezaría a meter presión na portería oviedista, onde Ortuño tuvo la oportunidá de marcar y Femenías despexó.
Llegaría'l gol local por aciu de Diamanka , con un terrible derechazu dende fora de la área énte'l que Femenías nada pudo facer.
Siguía l'acosu local y el Real Oviedo quedóse con otru defensa menos pola espulsión de Juanjo Nieto pol derribu d'un xugador local dientro de l' área.
Sería l'ex del Real Oviedo, Ortuño , quien llanzaría'l penalti y Femenías despexaría'l balón. Tuvo que ser de nuevu'l porteru visitante quien evitó'l segundu del Albacete tres una cabezada de Zozulya que se va a la escuadra y Femenías , con una gran estirada, unvia a córner.
Un partíu de fútbol onde los protagonistes fueron l'árbitru , pola cantidá de cartulines marielles y les dos roxes que recibió l'equipu de Ziganda, xunto les bones intervenciones del porteru oviedista.
L'Uviéu suma trés puntos en 4 xornaes , antes del próximu derbi asturianu frente al Sporting nel NMR Carlos Tartiere, el domingu 11 d'ochobre dende les 21:00 hores.