El Real Oviedo vuelve cayer pola mínima

El Real Oviedo volvió cayer otra vegada pola mínima a pesar de facer un bon partíu pero nun tuvo'l premiu de sumar un puntu ante'l Girona.
L'equipu carbayón durante la primer metá demostró tar meyor asitiáu y llegaba más al campu contrariu, presionando perbién y controlando 'l centru del campu, onde al Girona costába-y salir de la so área y el xugador uvieín Blanco Leschuk yera'l referente ofensivu del equipu azul.
El Girona tres el descansu sería quien llevaría la iniciativa nos primeres compases del segundu tiempu y sería l'ex del Real Oviedo, Yoel Bárcenas, quien pondría a prueba a Femenías.Onde 'l porteru del Real Oviedo tuvo que parar en 2 tiempos el disparu de Yoel Bárcenas.

El gol del Girona llegaría tres una mala salida d'un defensor del Real Oviedo, con cierta fortuna pal equipu local yá que pega de tacón Monchu y Joan Femenías nun pudo evitar el gol.
Tuvo una gran ocasión el Real Oviedo nel tramu final del alcuentru, con un pase de Viti a Obeng que-y pega cola esquierda y vase fora por pocu.
Al Real Oviedo sigue costándolu facer gol y nun acaba d'atopar la racha que-y faiga xubir na clasificación. El so próximu rival va ser el xueves 22 a les siete la tarde nel NMR Carlos Tartiere frente al Rayu Vallecano que ye anguaño'l cuartu clasificáu de LaLliga SmartBank