El Real Oviedo algama'l so tercer trunfu consecutivu

El Real Oviedo vence otra vegada en La Romareda al igual que la temporada anterior, por 1--2 nel alcuentru de LaLliga SmartBank 2020-21.
Nun tuvo efectu'l dichu futbolísticu " Con cambiu d' entrenador victoria segura" per parte maña.
Debutaba nel banquillu local Iván Fernández hasta agora entrenador del filial.
El Real Zaragoza empezó llevando la iniciativa del xuegu pero ensin crear ocasiones ante un Real Oviedo bien llantáu en defensa, como vien siendo habitual nel so esquema de xuegu .

Adelantaríase'l Real Zaragoza en sacando una falta en llargu por aciu d'Alberto Zapater onde Cristián Fernández, al intentar cubrir al delanteru del Real Zaragoza, péga-y col balón nel cuerpu a Bolaños diríxendo l'esféricu a la portería de Femenías.
L'empate del Real Oviedo llegaría tres un saque d'esquina que Borja remata de cabeza a un minutu del descansu.
Daría la vuelta'l marcador l'equipu carbayón namás empecipiase'l segundu tiempu.A los trés minutos de la continuación marcaría Blanco Leschuk tres un pase de Sergio Tejera.
El Real Zaragoza quedaría con un home menos mediada la segunda parte.L'espulsáu foi Alejandro Francés por desviar el balón cola mano cuando Nahuel encaraba la portería local.
El Real Oviedo pasó apuros ante los maños nel tramu final pero l'equipu local nun supo rentabilizar el xuegu pa llograr un resultáu a favor.
Con esta Victoria los de Cuco Ziganda sumen la so tercer victoria consecutiva que lleva al equipu azul a la metá de la tabla, nel octavu puestu.
El próximu sábadu a partir de les 20:30 hores el Real Oviedo recibe nel NMR Carlos Tartiere al C.D. Fuenlabrada que ,nestos momentos y con un partíu menos ,s'atopa nel sestu puestu de la clasificación.