El Real Oviedo a por un alcuentru rosa

Ta a puntu d'empezar l'alcuentru ente'l Real Oviedo y el Rayu Vallecano col que l'equipu carbayón espera realcontrase col gol . Además, el partíu de güei tendrá un color especial.

Con motivu del Día Internacional del Cáncer de Mama, que tuvo llugar el pasáu llunes 19 d'ochobre, el Real Oviedo va tener presente nel so partíu contra'l Rayu Vallecano a toles lluchadores qu'amuesen el so llau más valiente y enllénennos de vida.
Los xugadores oviedistes van saltar al terrén de xuegu con una camiseta na que la serigrafía va camudar el so blancu habitual pol rosa característicu de sofitu a esta enfermedá. Les elástiques, que namás van ser portaes pol once titular que salte al terrén de xuegu y pose na semeya inicial con elles, van ser retiraes antes del entamu del alcuentru.

Una vegada desinfectaes, van ser puyaes pa recaldar fondos na llucha contra'l cáncer de mama.
Nos próximos díes va dase a conocer más información sobre la puya.

Tola información del Real Oviedo tiénesla calcando na imaxen.