El Real Oviedo a la gueta'l cuartu trunfu ante'l FC Fuenlabrada a les 20:15 nel NMR Carlos Tartiere

L'equipu carbayón recibe esti sábadu, a les ocho y cuartu, al FC Fuenlabrada nel NMR Carlos Tartiere. A la gueta del cuartu trunfu siguíu y confirmar la so posición na clasificación ante l'equipu madrileñu que ta nel novenu puestu con 18 puntos, dos más que 'l club azul.

L'entrenador del FC Fuenlabrada, José Ramón Sandoval ,manifestó ante la visita a Uviéu.: "El Real Oviedo llega con enfotu, pero tenemos d'esmolecenos de nós mesmos".

"Veo perbién al Real Oviedo. Sabemos qu' hai equipos a los que-yos ayuden loes raches y a otros perxudícalos yá que vienen con muncho enfotu, pero nun ye'l casu de los equipos de Ziganda. Ye un entrenador que inculca muncha intensidá al so equipu, ye un conxuntu perbién armáu, un equipu con un sistema que nun se sale del guion y al que cuesta enforma ganalo. Les resultancies nun yeren acordes a lo qu'ufiertaba y agora coyeron un aldu que-yos va a dar enfotu, pero equí tamos nós para intentar quitar esi enfotu".

L'entrenador del Real Oviedo, José Ángel Ziganda ,fizo pública la convocatoria de los 23 xugadores qu'afrontarán l'alcuentru: Femenías, Grippo, Arribas, Edgar, Carlos Hdez., Sangalli, Rodrigo, Borja Sánchez, Mujica, Juanjo Nieto, Brazão, Jimmy, Nahuel, Obeng, Viti, Bolaño, Cedric, Tejera, Riki, Blanco Leschuk, Mossa, Lucas y Javi Mier.

El partíu, correspondiente a la xornada 13 en LaLliga SmartBank, tará dirixíu pol colexáu castellanu manchegu Dámaso Arcediano Monescillo.