El Real Oviedo a la gueta en Castalia del trunfu col qu'asegurar la so posición na metá de la tabla

El Real Oviedo afronta esti sábadu la xornada 33 de LaLliga Smartbank a les 18:15 hores en Castalia frente al CD Castellón, un alcuentru que tará dirixíu pol colexáu castellanu lleonés Oliver de la Fuente Ramos.

L'entrenador del equipu uvieín, Cuco Ziganda, fizo pública la convocatoria de los 22 xugadores que s'enfrentarán al CD Castellón: Femenías, Brazâo, Grippo, Arribas, Edgar, Carlos Hernández, Johannesson, Sangalli, Rodrigo, Borja Sánchez, Juanjo Nieto, Jimmy, Nahuel, Obeng, Viti, Christian Fernández, Tejera, Blanco Leschuk, Mossa, Lucas, Borja Valle y Javi Mier.