El pianista portugués António Oliveira ufierta un conciertu de pianu na Cúpula como parte del ciclu “Suena la Cúpula” n'Avilés esti domingu 24 de xineru

Esti domingu 24 de xineru nel Centru Niemeyer d'Avilés, el pianista portugués António Oliveira va ufiertar un conciertu de pianu na Cúpula como parte del ciclu "Suena la Cúpula" nel Centru N. Oliveira va presentar un recital con obres del repertoriu pa pianu de compositores portugueses de los sieglos XX y XXI: la balada de Vianna da Motta, personalidá mayor de la cultura portuguesa, gran pianista, compositor y pedagogu; los preludios de Telmo Marques y la Suite del compositor António Fragoso, prematuramente fallecíu. El programa va siguir con dos compositores centrales del pianismu y del períodu románticu - Schumann y Chopin- y va concluyir cola preciosa Sonata 1 - X - 1905 del compositor checu L. Janácek.
Oliveira, nacíu en Porto, estudió na Hochschule der Kunst de Berlín y na Hartt School, Estaos Xuníos, onde llogró'l diploma "Master of Music". Dende 2002 ye profesor de pianu nel Conservatorio de Música de Porto y anguaño ye coordinador del departamentu de pianu. Tien desendolcao recitales solu y de música de cámara en delles de les sales más importantes del país y nel estranxeru.
El ciclu "Suena la Cúpula" cunta col patrociniu de la Fundación EDP.