El documental colombianu “Señorita María. La falda de la montaña” consigue'l Premiu del Xuráu del III Festival de Cine LGBTIQ
El documental colombianu "Señorita María. La falda de la montaña" consigue'l Premiu del Xuráu del III Festival de Cine LGBTIQ
El Premiu del Públicu d'esta tercer edición recayó, por un bien estrechu marxe, na película islandesa "Heartstone".
El xuráu alcordó conceder tamién una Mención Especial al llargumetraxe arxentín "Güei partíu a les 3".
El xuráu de la tercer edición del Festival de Cine LGBTIQ decidió conceder el Premiu del Xuráu a la película documental colombiana "Señorita María. La falda del monte". Los integrantes del xuráu nesta tercer edición fueron: Gerjo Pérez Miliá, de LesGaiCineMad; María Luisa Muncio, de CineHomo; y Pablo de María, de SACU d'Uviéu.
Ente les nueve películes en competición, "Señorita María. La falda de la montaña" fíxose con esti premiu "por tratase d'un documental que trata la construcción de la identidá nuna redolada rural carente de referentes a pesar de lo cual la determinación y autenticidá del personaxe crea un llugar escepcional de respetu na comunidá".
De la mesma manera, el xuráu decidió otorgar una Mención Especial a "Hoy partido a las 3" por cuenta de "la semeya d'amores adolescentes al traviés d'una mirada natural, innovadora y desaposiada d'arquetipos y superficialidá".
Per otra parte, el Premiu del Públicu foi concedíu a la película estadounidense "Heartstone", que narra'l descubrimientu de la identidá sexual de dos adolescentes que viven nun remotu pueblu de pescadores n'Islandia.
Les películes ganadores van recibir un troféu, diseñáu por Anabel Barrio Vega, de la Factoría Cultural d'Avilés, realizáu en lloza blanca.