El cocineru Cristian González en FETUMI

El cocineru Cristian González va poner la nota gastronómica a FETUMI ellaborando cuatro mil croquetes negres, inspiraes en piedres de carbón

La gastronomía tamién va tener el so momentu de protagonismu na III Edición de la Feria de Turismu Mineru ya Industrial (FETUMI) qu'impulsa HUNOSA nel Pozu Sotón.

De la mano del cocineru Cristian González -natural de Sotrondio, de familia minera y restaurador de prestíxu y bien popular gracies a les sos apaiciones na Televisión Pública del Principáu d'Asturies en programes como "El gusto es mio" y "Guía Michigrín"- la feria va acoyer un espectáculu gastronómicu'l domingu a les 13:00 hores, coincidiendo col fin de la I Marcha y Ruta de los Museos "Mines d'Asturies" y de la Edición "ZERO" de la Xtreme Trail Sotón.

Mientres esti eventu, Cristian González va ellaborar cuatro mil croquetes pa los asistentes a la Feria dientro d'un actu culinariu nel espaciu multiusos del recintu ferial, un espectáculu que'l restaurador bautizó como "Compañeru dame croqueta". Van Ser cuatro mil croquetes negres, inspiraes en piedres de carbón, que, de xuru, van faer les delicies de los asistentes.

Para acompañar les croquetes mineres la organización tien previsto una degustación de sidra en collaboración col Llagar Orizón y les sos marques Orizón y Novalín.