El Ciclu Pallabra torna en setiembre al Niemeyer

El Ciclu Pallabra torna en setiembre con una doble cita: un coloquiu sobre Lope de Vega y l'escritora María Dueñas.
• El llunes 10 de setiembre varios espertos na obra de Lope de Vega van participar nun coloquiu sobre la versión pa ópera de "Fuenteovejuna".
• La escritora María Dueñes va caltener un alcuentru col públicu asturianu'l miércoles 26 de setiembre.
• Les entraes pa estes dos nueves cites punxéronse a la venta'l vienres 20 de xunetu.
Setiembre va traer dos nueves cites d'esta área de programación del Centru Niemeyer dedicada al alcuentru y la reflexón con personalidaes del ámbitu lliterariu y de la cultura.
Sol títulu "Lope story: actualidá de Fuenteovejuna", un coloquiu con espertos na obra de Lope de Vega va analizar la obra d'unu de los grandes autores del Sieglu d'Oru'l llunes 10 de setiembre a les 20:00. Dos selmanes dempués, el miércoles 26 de setiembre a les 20:00, la escritora María Dueñes va repasar la so obra y los sos ésitos xuntu al públicu asturianu.
Lope Story: actualidá de Fuenteovejuna. Ópera d'Uviéu presenta en septiembre el so primer estrenu mundial con una versión de "Fuenteovejuna", obra cume de la trayectoria de Lope de Vega. Con ocasión d'esti estrenu, como amuesa de collaboración institucional y col ánimu de contribuyir a la conocencia de l'actualidá de Lope y del so teatru, el ciclu de Pallabra programa un alcuentru nel que reconocíos autores, directores y especialistes van dialogar col autor de la versión del testu pa la ópera. Trátase d'una ocasión única pa conocer les versiones de Lope. Esti eventu preséntase como un coloquiu nel que, moderaos por Ignacio Ortega (actor y xefe d'estudios de la Escuela Cimera d'Arte Dramático de Xixón), van participar el poeta Javier Almuzara, la dramaturga y actriz Yolanda Pallín, la dramaturga y directora Laila Ripoll, el poeta, actor y dramaturgu Álvaro Tato y Germán Vega, catedráticu de Lliteratura del Sieglu d'Oru y director de les Xornaes de Teatru Clásicu d' Olmedo.
María Dueñas (Puertollano, Ciudá Real, 1964) ye doctora en Filoloxía Inglesa. Tres dos décades dedicada a la vida académica, apruz nel mundu de la lliteratura en 2009 con El tiempo enrte costuras, la novela que se convirtió nun fenómenu editorial y que la so adaptación televisiva de la mano d'Antena 3 llogró numberosos galardones y un espectacular ésitu d'audiencia. Les sos obres posteriores, Misión Olvido (2012) y La Templanza (2015) , siguieron cautivando por igual a llectores y crítica. Traducida a más de trenta y cinco llingües y con millones d'exemplares vendíos en tol mundu, María Dueñas convirtióse nuna de les autores más envaloraes tanto nel nuesu país como n'América Llatina. Las hijas del Capitán ye la so cuarta novela.
Les entraes pa dambos espectáculos tan disponibles con un preciu de 1 € cada actu. Les entraes pueden adquirise nel Centru Niemeyer (Avilés), Llaboral Ciudá de la Cultura (Xixón) y CITPA (Uviéu), nel teléfonu 902 106 601 y en Liberbank - entraes (www.liberbank.es).