El Centru Niemeyer retoma l'actividá

El Centru Niemeyer retoma l'actividá
· La esposición "La emoción del espaciu" y la colección fotográfica del CA2M van poder visitase dende esti vienres 11 d'avientu.
· El domingu 13 d'avientu cola película "Branu del 85" el centru cultural retoma tamién l'actividá habitual.
Arte, cultura y arquitectura vuelven cola reapertura del Centru Niemeyer, que va tener llugar esti vienres 11 d'avientu.

Les esposiciones van ser les primeres en recibir nuevamente al públicu y facer con una novedá destacada: tres delles selmanes zarraes, amplíense los díes d'apertura pa ufiertar al públicu más opciones de visitar la escultura de "La emoción del espaciu" y la colección fotográfica del CA2M. Asina, dambes muestres van abrir de llunes a domingu de 11:00 a 14:00 y de 16:00 a 19:00.
Les visites guiaes tamién retomen l'actividá al igual que les esposiciones, ampliando horarios: de llunes a vienres a les 12:30 y 17:00 y fines de selmana a les 11:30, 12:30 y 17:00.
El cine torna'l domingu 13 d'avientu a les 20:00 cola película francesa "Branu del 85". La programación cinematográfica d'avientu va caltenese, sacantes llueu aplíquense nueves restricciones, coles películes "Zombi child" (xueves 17), "A media voz" (domingu 20) y "El reflexu de Sibyl" (domingu 27). A estos llargumetraxes sumaráse la proyección de la ópera nel cine "Manon", de Jules Masenet, el sábadu 19 a les 19:00. Estes actividaes van tener llugar nel Auditoriu, al ser un espaciu que dexa garantizar la distancia de seguridá pa un mayor aforu.