El Centru Niemeyer avera al públicu la obra de Francis Bacon con recorríos guiaos a la so esposición

Dende'l vienres 1 d'avientu hasta'l 8 d'abril de 2018,los visitantes del Centru Niemeyer van poder conocer con más detalle la obra del artista irlandés al traviés de recorríos guiaos gratuitos que van desendolcase de miércoles a domingu.

La esposición"Fran©isBa©on. La ©uestión del dibuxu" amuesa más de 70 obres del autor irlandés, 15 de les cualos nunca se vieren n'España. Dende'l vienres 1 d'avientu los visitantes del Centru Niemeyer van tener la ocasión d'afondar en cuestiones relevantes de la vida y obra del dublinés al traviés d'un recorríu guiáu nel que se desendolcarán temes como'l discutiniu sobro si Bacon dibuxaba, la so obsesión coles semeyes de papes, el significáu de les sos crucifixones, etc.

Estos recorríos guiaos van tener calter gratuitu y van desenvolvese de miércoles a domingu, díes ordinarios d'apertura de les esposiciones. Los miércoles, xueves y vienres el recorríu va tener llugar a les 12:00 del mediudía y los sábados y domingos amplíase ufiertando dos opciones: a les 12:00 y a les 16:30. Cada recorríu va cuntar con una duración d'unos 20 minutos y va ufiertase a aquellos visitantes qu'adquirieren la so correspondiente entrada pa la esposición n'esi mesmu día.

D'esta forma, el visitante va poder, amás de percorrer la esposición y contemplar los papes, semeyes y crucifixones realizaos con distintes técniques, consiguir una conocencia más fonda sobre'l porqué del so estilu inconfundible, la so estrecha relación con España, les sos influencies cinematográfiques, l'orixe de les obres que conformen la esposición, etc.

La esposición "Fran©isBa©on. La ©uestión del dibuxu inauguróse'l vienres 10 de payares y podrá visitase hasta'l domingu 8 d'abril de 2018 de miércoles a domingu de 11:00 a 14:00 y de 16:00 a 19:00. La entrada a la esposición tien un costu de 3€.