El cántabru Isaac García Berroa y la gaditana Marina Alcón Mikaylovichs ganen la 41ª Vuelta Ciclista a los Valles Mineros
Ayer vienres 11 de setiembre tuvo llugar la 41 Vuelta Ciclista a los Valles mineros, tal como anunciamos esti añu tuvo llugar con solo una etapa de 48 kilómetros, con salida nel Pozu Sotón en L'Entregu, pasu por Sotrondio, Blimea, conceyu de Llaviana, altu de Llavayos y meta nel Centru Cultural y Recreativu de Llantero.
La prueba puntuable pal Campeonatu d' Asturies cadete, contó cola participación de 136 ciclistes de 22 equipos.
El cántabru Isaac García Berroa (Ciclos Moli) y la gaditana Marina Alcón Mikaylovichs (Lagostena Team) fueron los ganadores de la 41ª Vuelta Ciclista a los Valles Mineros. Na categoría masculina quedó segundu David Puente García, que como'l ganador de la prueba ye del equipu Ciclos Moli de Corrales de Buelna (Cantabria) y nel tercer puestu entró Alejandro Díaz Delgado (Víctor Astasio). Na categoría femenina quedó segunda Natalia Alonso Alonso (Viella-Guttrans) y tercera Estela Domínguez García (Río Miera).
Calcando nes imáxenes d'arriba puedes ver delles semeyes de la carrera feches por Iván Pibe y Alberto Zapico.
