El Camín de Santiago en 200 llibros. Esposición na Biblioteca d'Asturies.Hasta'l 26 de setiembre.

La Biblioteca d'Asturies "Ramón Pérez de Ayala" acueye hasta'l 26 de setiembre la esposición "El Camín de Santiago en 200 llibros".
Trátase de 200 llibros de los sos fondos bibliográficos y la muestra  enmárcase nos actos promovíos pola Conseyería de Cultura pa conmerorar el Xacobéu 2021-2022. "Uviéu, orixe y destín: el Camín de Santiago en 200 llibros" esibe una parte de los fondos rellacionaos cola ruta xacobea qu'alluga la Biblioteca d'Asturies. El material bibliográficu foi escoyíu atendiendo a diversos criterios: poles sos especiales característiques de rareza, importancia o otros elementos interesaos, o por ser representativos d'un determináu tipu de publicaciones feches sobre esti tema.

La esposición estructúrase en doce apartaos, que tomen dende l'entamu del Camín hasta la so llegada a Santiago de Compostela, pasando pol so percorríu per Asturies, la Cámara Santa o l'acoyida a los pelegrinos.

Calca na imaxen pa más información.