Jeff Toussaint (L' Hipnotista) nel Teatru Xovellanos

Esti sábadu 4 de xineru 'l Teatru Xovellanos de Xixón acueye l'espectáculu del hipnotista francés Jeff Toussaint  a les ocho y media.

Enmarcáu nel festival internacional IX Selmana Máxica llega l'espectáculu "El Hipnotista". Una escoyeta de lo meyor creáu pol francés Jeff Toussaint nos sos trés primeros espectáculos d'hipnosis colectiva.

Toussaint ye consideráu unu de los meyores hipnotistes del mundu y n'España algamó gran popularidá colos sos especiales televisivos sobre hipnosis n'Antena 3 y les sos famoses apaiciones n'El Hormiguero.

Una oportunidá única pa vivir como espectador o protagonista uuna de les más fascinantes esperiencies sobre la capacidá de la mente humana, onde tol que quiera va poder xubir al escenariu pa ser hipnotizáu o a cencielles esfrutar dende la so butaca. Un espectáculu d'hipnosis teatral respetuosu y risonderu pa tola familia.

Va revelanos los secretos de la hipnosis, demostrando como la imaxinación ye tan poderosa que puede llegar a afectar los sentíos, llogrando que sientas, escuches y veas coses increíbles que namá asoceden dientro de la to mente pero que les vives como si tuvieren asocediendo de verdá.

Los asistentes van vivir uuna esperiencia única que van comentar mientres años y que nunca van escaecer.