"Dos llibros con Nueva" nel CIDAN-Llaviana hasta 'l 28 d'avientu

Dos llibros con Nueva na Sala d'esposiciones del CIDAN-Llaviana hasta'l 28 d'avientu

La esposición"DOS LLIBROS CON NUEVA" de Xose Ramón Martín Ardines puede vese na sala d'esposiciones del CIDAN de La Pola Llaviana hasta'l 28 d'avientu.
Trátase de la esposición que nel mes de mayu, coincidiendo col Día de les Lletres Asturianes, tuvo na Casa  la Cultura de Nueva de Llanes, localidá na que se desenvuelven estos dos llibros de los qu'agora pueden vese delles páxines ya ilustraciones nel centru cultural de Llaviana. Trátase de "Ramonín,el capitán solitariu" del que se cumplen venti años de la so publicación y L'aventura del espaciu, obra ganadora del Premiu Lletura pa Rapacinos de l'Academia de la Llingua Asturiana del añu 1990.
Coincidiendo cola esposición el martes 11 d'avientu a les 19:30 hora Martín Ardines va ufiertar una charra sobre lliteratura infanil y xuvenil n'asturianu nel salón d'actos del CIDAN.