“Diario de Vida” de la Fundación Sandra Ibarra presentóse n’Uviéu

El pasáu martes 5 d'avientu presentose nel Club de Prensa de La Nueva España n'Uviéu'l llibru "Diario de Vida", un proyectu que recueye'l testimoniu de 27 supervivientes de cáncer.

Na presentación, Sandra Ibarra y Juan Ramón Lucas tuvieron acompañaos por supervivientes, collaboradores , voluntarios y voluntaries de la Fundación, asina como por representantes d'eventos solidarios vinculaos a la Fundación n'Asturies.

La Fundación Sandra Ibarra ye una organización ensin ánimu d'arriquecimientu dedicada al financiamientu de proyectos d'investigación y impulsora de campañes de sensibilización frente al cáncer. Tres la so presentación en ciudaes como Madrid o Barcelona, la siguiente parada d'esti emotivu viaxe tuvo llugar n'Uviéu.

"Diariu de Vida", escritu pol periodista Juan Ramón Lucas, recueye les vivencies y esperiencies "optimistes y esperanzadores", de delles persones. Les sos narraciones, "llenes de dolor, firmeza y entusiasmu", sirven d'exemplu a quien pasen güei por onde ellos pasaron, siendo amás "un estímulu".

La presidenta de la Fundación, Sandra Ibarra, lleó emocionada'l prólogu del llibru, nel que reflexona sobre la vida y resume los oxetivos de la Fundación.