Desnudos, de Spencer Tunick
El Centru Niemeyer d'Avilés acueye hasta'l 7 de xineru de 2019 la esposición Desnudos, de Spencer Tunick
Desnudos ye la primera retrospectiva del fotógrafu estadounidense Spencer Tunick n'España.
Tunick tuvo documentando 'l desnudu en públicu, con semeyes y vídeu, dende 1992. Dende 1994 entamó más de 95 instalaciones temporales rellacionaes con un llugar específicu y que tomen a docenes, cientos o miles de voluntarios. Les sos fotografíes son rexistros d'estos eventos. Los individuos en masa, ensin vestimienta, arrexuntaos, tresfórmense nuna nueva forma. Los cuerpos estiéndense dientro y sobro 'l paisaxe como una sustanza. Tunick plantega escenes nes que la batalla de la naturaleza contra la cultura desendólcase con dellos telones de fondu, dende un centru cívicu hasta una nube de sable nel desiertu. L'home y la muyer vuelven a un estáu d'esistencia preindustrial.
Estes mases grupales, que nun sorrayen la sexualidá, conviértense n'astracciones que desafíen o reconfiguren los puntos de vista de la desnudez y de la privacidá. El so trabayu tamién fai referencia a la complexa cuestión de presentar arte n'espacios públicos permanentes o temporales.
Les sos instalaciones amosáronse por tol mundu y creáronse en llugares espectaculares de distintes ciudaes y países como Bélxica, Australia, Canadá, Estaos Xuníos y Brasil, axuntando a miles de persones al empar. Les sos instalaciones temporales pa un llugar determináu, fueron encargaes pola XXV Bienal de Sao Paulo, Brasil (2002); Institut Cultura, Barcelona (2003); la galería Saatchi (2003); MOCA Cleveland (2004); Vienna Kunsthalle (2008) y el Muséu d'Arte Moderno MAMBO, Bogotá, ente otros.
Les visites pueden facese de miércoles a domingu de 11:00 a 14:00 y de 16:00 a 19:00.
La última hora d'apertura peles tardes ye gratuita.
El preciu la entrada ye 3 € .