Curtiu Xixón

El Festival de Curtiumetraxes de Xixón, Curtiu Xixón, va celebrar la so séptima edición del 5 al 8 d'ochobre nes cuatro sedes habituales del Certame; l'Antigua Escuela de Comerciu, el Centru Municipal Integráu El Llano, el Centru Municipal Integráu Atenéu La Calzada y El Paraninfu de Llaboral Ciudá de la Cultura, coles que caltien el so firme propósitu de facer llegar la so programación a distintos barrios de la ciudá.

Pa la edición d'esti 2021, Curtiu Xixón recibió 596 curtiumetraxes a concursu, de los cualos van proxectase un total de venti. Los trabayos escoyíos van competir, per primer vegada na hestoria del Festival, en trés secciones a concursu:

Sección Oficial, Sección Asturies y Sección Documental

La última sección ye una novedá nel Certame, debíu al gran crecimientu de la producción en materia de documentales que favoreció que la organización decidiera crear una sección propia onde poner el focu al xéneru y da-y l'atención y el rigor que se merez. 

Curtiu Xixón va cuntar con dos pases especiales. De primeres, 'Una nueche menos', de José Riveiro, con imáxenes inédites del apocayá zarráu videoclub Audivisión, que va cuntar col so estrenu mundial el martes 5 d'ochobre a les 20:00 hores nel CMI El Llano, para dar el pistoletazu de salida al Festival. De segundes, 'O XXI' y que se va proxectar el vienres 8 d'ochobre a partir de les 20:00 hores n'El Paraninfu de La Llaboral, como colofón de Curtiu Xixón.

Amás, y como vien siendo habitual nel Festival, Curtiu Xixón va cuntar con una serie de conciertos como programación alternativa. Gente Terrible, Luis Brea y Borja Mompó (componente de Modelo de Respuesta Polar) ufiertarán conciertos nel CMI El Llano, y Rafa Kas fadrálo en La Llaboral

Curtiu Xixón ye un Festival gratuitu y les invitaciones tán yá disponibles na so páxina web www.cortogijon.com