Cuarta xornada clasificatoria XXII Concursu Canción Asturiana
Ramón García, gaiteru oficial entamó la cuarta xornada de la fase clasificatoria del XXII Concursu de Canción Asturiana "Samartín del Rei Aurelio" nel Aula Cultural "La Plaza" de Sotrondio, empobináu pola Asociación Canción y Folklor Valle del Nalón, patrocináu pol Ayuntamientu de Samartín del Rei Aurelio, Caja Rural de Asturias , SOMA-FITAG y la collaboración de La Nueva España y Radio San Martín.Dellos temes tuvieron acompañaos al pianu por David López.
Esta vegada los doce concursantes interpretaron cantares de centro y l'habitual presentador, Luis Alberto M. Ardines , foi dando pasu a les y los cantaores de les diferentes categoríes.
Eloy López Cuello, de Santa Bárbara, interpretó "To padre trai escarpinos" y "Voi pa Llanes" a la gaita. Javier Toral Fernández, de Mieres, cantó "Si quieres que te cortexe" al pianu y "Aquellos gües" a la gaita.
Fran Fernández Hernández, de L' Entregu, cantó "Carromateros" y a la gaita "Agua que vas al arroyo", además de "Dentro de la negra mina", nel apartáu de canción minera.
Valentín García Fernández, de Grao interpretó "Facer un horru", a la gaita, y "Pa castañes, Tremañes".Liliana Castañón Cerceda, de Mieres, cantó "A la mar se van los ríos" y "Soi de Langreo".Dorinda García Rodríguez, de Xixón, interpretó "Diendo camín de la Pola" al pianu y "Canteros de Covadonga" a la gaita.
N' aficionaos, Piedad García Guerra, de Xixón, interpretó "Carretera de Colloto" y "Arboleda bien plantada" les dos a la gaita.Alfonso Menéndez García, de Somiedo cantó "Baxaben cuatro ayeranos" y "Recordando vieyos tiempos" .Manuel Menéndez Menéndez, de Cangas del Narcea, cantó "Arrea, carreteru" y "La mio neña", y en canción minera, "Compañeru, dame xaula".
Germán Riera Menéndez, de Pravia, interpretó "La Pipiona" al pianu, "Adiós puente de Cayés" a la gaita y, en canción minera, "Mineru quiero ser, madre". Reyes Menéndez Rubio, de Tinéu, cantó a la gaita "Anda y señálame un sitiu" y "En el roncón traigo Asturias". Y en infantil, Natalia Martínez Fernández, de Grao, cantó "Adiós al valle de Viango" y "Onde hai fabes hai maíz".
Peratentos a les interpretaciones tuvo atentu'l xuráu formáu por Arsenio Fernández -Nespral y Carlos Ronderos