Cuando'l mundu debala de Berto García. Un llibru al llau

Esta selmana presentamos n'Un llibru al llau 'l poemariu de Berto García:  Cuando'l mundu debala. Premiu «Novo Mier» 2009 asoleyáu nel añu 2011.

Nesti poemariu (diariu de lluches y enfotos, escritu en primera persona y dende les coraes, col que tentar d'afuxir de la buxa y testerona rutina de tiempu y camín),l'autor, refugando l'esconderite del silenciu, fala bien claro de la sociedá que lu arrodia (y los sos efeutos collaterales). Nuna xera de cuntar (col enfotu d'unes manes qu'anden a la gueta de respuestes y de llibertá pa percorrer los díes), tolo que ve dende la ventana de so casa, y que nun ye otro que la vida, la realidá Cuando'l mundu debala,empobináu ésti (pasu ente pasu) a niundes, ensin buelgues nin coordenaes.

Consigue un exemplar participando nel sortéu d'Un llibru al llau unviando un corréu antes del vienres 22 de xineru a les 23:50 hores a : alllaudelllar@hotmail.com.

Collaboren : Academia de la Llingua Asturiana y Ayuntamientu de Samartín del Rei Aurelio.