Convocáu'l XXV Certame Nacional de Pintura Nicanor Piñole

El Conceyu de Samartín del Rei Aurelio acaba convocar el XXV Certame Nacional de Pintura Nicanor Piñole, la tradicional bienal de pintura, con un plazu pa presentar les obres a concursu que peslla'l 10 de mayu, y que caltien el rexistru on line de les obres pa la participación instauráu fai un par d'años por cuenta de la pandemia de la Covid, al traviés del portal web www.mundoarti.com.
A esta categoría llibre va poder presentase cualquier pintor con un máximu de dos obres de temática y técnica llibre ya inédites, que van optar a un únicu premiu dotáu con 1.500 euros. Con toles obres presentaes, un xuráu profesional va facer una selección cola que se va montar una esposición na Casa la Xuventú, del 3 al 17 de xunu. La posterior entrega del premiu va tener llugar nel  Aula Cultural Onofre Rojo, en Sotrondio, el 17 de xunu.
Anguaño, recupérase la categoría escolar del certame que na anterior edición suspendióse de resultes de la covid. Van Poder participar cualquier alumnu d'educación infantil a secundaria, escolarizáu nos centros públicos del conceyu. Pa esti certame concederánse trés premios per cada categoría.
Nel anterior certame presentáronse un total de 254 obres de 164 autores , lo que supunxo más del doble de les presentaes n'anteriores ediciones, que rondaben el centenar. L'artista uvieina Breza Cechini Ríu resultó la ganadora nel XXIV Certame de Pintura Nicanor Piñole cola obra "Galopie Tendíu".