Contundente victoria del Sporting col qu'asegura'l quintu puestu con cuarenta puntos

Contundente Victoria del Sporting ante la U.D.Logroñes que prácticamente non -y dio opción a crear peligru a la portería de Diego Mariño.
Cuatro tantos que consiguió'l Sporting , dos en cada tiempu .Los dos primeros seríen de Djuka, unu a los catorce minutos dende la frontera de l' área y el segundu sería na recta final de los primeros 45 minutos.
Tres el descansu saldría'l Sporting col mesmu dominiu de la primer metá. Sería de nuevu'l delanteru Djuka 'l que volvería facer el terceru a pase de Saúl García.
A diez minutos del final sería Cumic el que fadría'l cuartu pal Sporting.
La U.D. Logroñés apenes tuvo oportunidaes, la más destacada al estrellar un balón Leo Ruiz al poste na primer metá cuando diba perdiendo pola mínima, lo que pudo ser l'empate y camudar el partíu.
Con esti triplete'l delanteru serbiu Djucka suma 15 goles y ponse momentáneamente al mandu de los máximos artilleros de LaLliga SmartBank.
El próximu domingu 14 de febreru'l Sporting recibe al C.D.Malaga nel Estadiu del Molinón -Enrique Capo "Quini",partíu que va ser emitíu por Gol Tv a les nueve la nueche.