Conciertu del Cuartetu Arpeggio
El xueves 11 de xineru a les 19:00 hores Conciertu del "Cuartetu Arpeggio" nel Auditoriu del Conservatoriu Valle del Nalón con motivu los actos del so 35 Aniversariu.
El Cuartetu Arpeggio ye una agrupación de dos violinos, viola y violonchelu formada por músicos con titulación superior : Jorge Díaz, Violín;Iria Rodríguez, Violín; Adrián Arechavala, Viola y Laura Alguero, Violonchelu
Toos ellos acabaron los sos estudios nel Conservatoriu Superior de Música "Eduardo Martínez Torner" d'Uviéu y nel Centru Superior de Música del País Vascu, " Musikene" coles más altes calificaciones.La so amplia formación y una dilatada trayectoria profesional llevolos a formar parte de manera habitual d'orquestes sinfóniques, tales como la Orquesta Sinfónica del Principáu d'Asturies, la Uviéu Filarmonía, Real Filarmónica de Galicia, Orquesta Sinfónica d'Euskadi o la Orquesta Sinfónica de Navarra . El so ampliu repertoriu inclúi más de 400 obres de tolos estilos (música clásica, tangos, boleros, bandes sonores, swing, ragtime, pop, rock, etc.). Amás, casi la totalidá del so repertoriu ta formáu por arreglos propios y esclusivos que'l Cuartetu Arpeggio realiza de forma continua.
Como grupu tocaron n'eventos destacaos pa grandes empreses: Real Madrid Club de Fútbol, Northgate, Puleva, Mercedes Benz, ASICOM, ESIC Madrid, Parador Hostal San Marcos de León, Parador de Corias, Fundación Bancaja, Fundación Eutherpe, etc.
Nesti conciertu les bandes sonores que s'escucharán van tar combinaes con proyección de vídeu. Pa ello cunten con un programa diseñáu y preparáu nel qu'interpreten cada obra de forma sincronizada con un vídeu, ellaboráu tamién pol Cuartetu Arpeggio,qu'axunta una selección d'escenes de la película correspondiente.
Bandes Sonores:
Gladiator, Hans Zimmer
La vida es bella, Nicola Piovani
Memorias de África,John Barry
Juego de Tronos, Ramin Djawadi
Tennessee (Pearl Harbor),Hans Zimmer
James Bond,John Barry
Leyendas de pasión, James Horner
Forrest Gump, Alan Silvestri
El padrino,Nino Rota
Piratas del Caribe,Klaus Badelt
I dreamed a dream (Los Miserables), Schöenberg
El señor de los anillos,Howard Shore
Parque Jurásico, John Williams
Star Wars,John Williams