Conciertu de guitarra de Tom Prendes Rubiera

Conciertu de Tom Prendes Rubiera na Casa la Xuventú de Sotrondio esti xueves 8 de payares a les 19:30 hores. Tituláu Superior en guitarra pol Real Conservatoriu Superior de Música de Madrid so la cátedra de D. Manuel Estévez Cano. Tom ye concertista de guitarra clásica tantu como solista como integrante de distintes formaciones de Cámara; Dúo Piazzolla (flauta y guitarra), Tríu Gragnani (guitarres romántiques) y Entrecuatre (música contemporanea).
Actuó, ente otres sales, nel Centru d'Arte Reina Sofía (Madrid), S.G.A.Y. (Madrid), Rotenburger, Worpswede, "Clara Schumman" de Dusseldorf ya Institutu Cervantes de Bremen (Alemaña), Auditoriu de Cuenca,... coles mesmes ye profesor del Cursu Internacional de Guitarra "Rontenburger Guitarrenwochen" en Bremen (Alemaña).
Como compositor y arreglista destaquen los sos trabayos "Allende la Nueche" (Homenaxe a les víctimes de la minería del Pozu Nicolasa en Mieres) y "Maitín", obra cola que foi galardonáu cola mención especial del xuráu nel I Concursu de Composición pa preseos tradicionales "Avante Cudeiru, 1994". Coles mesmes, participó en numberosos proyectos discográficos de música folklórica asturiana, trabayos ente los que destaquen les sos collaboraciones como guitarrista en dellos trabayos discográficos de Nuberu, Chus Pedro, La Nueche Celta (Ramón Prada), y como arreglista de distintes CD de Carlos Rubiera, Xaranzaina, Coru San Andrés-Sergio Domingo, al pie de D. Gabino Antuña.
Llogró'l 2º premiu nel Concursu Internacional de Guitarra "Comillas 1995", y el 1er premiu nel Concursu Internacional de Guitarra "Arturo Sanzano" de Cuenca (2001).
Dende 1998 ye Profesor de Guitarra nel Conservatorio-Escuela de Música de Mieres del Camín.