Coles marees vives de la lluna llena d'esti fin de selmana un destín pa nun perder: los bufones de Nueva

Esti últimu fin de selmana de marzu les marees vives coincidiendo cola lluna llena axiten les foles escontra los acantilaos de la costa llanisca que xuben ente les grietes de la roca caliza hacia'l cielu bufando con toles fuerces.

Son los bufones de los castros de San Antoniu en Nueva de Llanes.Llégase a ellos dende la playa de Cuevas del Mar pel camín qu' a la drecha va hasta'l Cabu la Mar y la playa de San Antoniu.

Un camín nel qu'acompaña'l silenciu solo rotu por dalgún xilgueru, el murmuriu la mar, los esquilones de les vaques y l'agua esnalando ente les roques. Detrás, los picos d'Europa, col Urriellu ente ellos, agüeyen a la mar bravía.