Círculos sobre el Agua, bajo nubes de algodón.Un curtiumetraxe de Roberto F. Canuto y Xu Xiaoxi

Los direutores Roberto F. Canutu y Xu Xiaoxi entamarán estos díes el rodaxe del curtiumetraxe "Círculos sobre agua, bajo nubes de algodón", una cooproducción China-España al traviés d' Almost Red Chengdu y LionFreak Films, un proyectu ambiciosu col que s'espera llegar al corazón de tolos colectivos históricamente discriminaos, cuantimás el colectivu LGTBI+, tratando la discriminación y marxinalidá nun futuru distópicu pero non tan alloñáu como pudiera pensase.

Trátase d'ufiertar una visión de lo que podría asoceder, una visión distópica na que la estratificación social resulta radical ya implacable, una situación que va facer que'l grupu de protagonistes tengan qu'enfrentase a esta llucha de clases mientres traten de sobrevivir de toes toes a una nueva y letal enfermedá.
Preténdese con esto ayudar a que tol mundu entienda que toos somos merecedores de lo mesmo, que tenemos de tratar de sofitanos y tar xuníos énte cualquier situación, máxime énte situaciones y tiempos escuros y doliosos

Vivimos nun mundu qu'apocayá sufrió una catástrofe a escala global y, por suerte, paez que tamos recuperándonos, pero, ¿qué pasaría si nun fuera asina? ¿Qué asocedería si esta voráxine non solo nun atopara fin, sinón que la incidencia de lo que tuvo afectándonos tou esti tiempu fuera in crescendo? Esta dulda sirvió de grana pa esti proyectu, un proyectu col cual quier ponese de manifiestu les grandes desigualdaes a les que podríamos llegar a tar sometíos si'l nuesu mundu viérase azotáu por múltiples pandemies como la yá vivida.