CINESAN 2019
San Martín inaugura el domingu 20 d'ochobre'l Festival Internacional de Curtiumetraxes de San Martín de la mano del director Luis Trapiello que va presentar nos Cines ArteSiete el so llargumetraxe Soterraos". Será l'arranque d'un festival que la so sección oficial va proxectase del llunes 21 al vienres 25 d'ochobre, con dos pases per día, na Casa de la Mocedá, a les 18,30 hores, y nos Cines ArteSiete, a les 20 hores, y que va incluyir distintes secciones paraleles, siendo l'accesu gratuitu a toles proyecciones.
En total proxectaránse venticuatro curtiumetraxes escoyíos pol xuráu d'entre 'l millar de presentaos procedentes de 41 paíse. Ente les obres a proxectar "atopamos dende curtiumetraxes realizaos con un nivel altu de presupuestu y protagonizaos por conocíes estrelles, hasta directores con escasos recursos pero con idees innovadores", esplicaron dende'l departamentu de Cultura. "Con una temática variada que representa a tolos xéneros de ficción, como acción, thriller, terror, drama, traxedia, comedia o animación".
Tres la proyección de la sección oficial, el domingu 27 d'ochobre va tener llugar la sesión dedicada a los curtiumetraxes asturianos, nos cines Artesiete, con dos pases, a les 18 y les 20 hores. En total, van proxectase diez curtios.
Un xuráu espertu va fallar los premios de 1.000 y 400 euros pal meyor curtiumetraxe de la sección oficial y asturiano, respectivamente, a los qu'hai que sumar un premiu a la meyor interpretación por valor de 600 euros.
Per otra parte, la sección del festival "Estaya temática", dedicada anguaño al xéneru de los psicokillers, va contemplar la proyección de les películes "El Vampiru de Düsseldorf", "Henry, semeya d'un asesín", y "Joker", que se van proxectar nel Teatru Municipal, La Casa de la Mocedá y los Cines ArteSiete, respectivamente, el 26 d'ochobre, la primera de les películes, y el 29 d'ochobre, les otres dos.
Tocantes a la sección "Homenaxe a ". va tar dedicáu nesta edición al cine de ciencia ficción sol títulu "Homenaxe a los invasores del espaciu", cola proyección de los llargumetraxes "Ultimatum a la tierra", "La Invasión de los lladrones de cuerpos" y "Tán vivos", los díes 26, 28 y 31 d'ochobre, na Casa de la Mocedá, la primera, y el Teatru Municipal, les otres dos.
El festival contempla tamién un apartáu denomináu Cine de Halloween, cola proyección de la película "Zombieland: Matu y Remata", y otru de Cine Infantil, coles películes "Mr. Link, L'Orixe Perdíu" y "Toy Story 4", en sesión mañanera, nel Teatru Municipal, los díes 20 y 27 d'ochobre.
Per otra parte, el festival inclúi la realización d'actividaes complementaries asociaes al mundu del cine que se engloban sol epígrafe "Off-CINESAN". Anguaño axunta actividaes novedoses como un conciertu de música de cine, a cargu del dúo Miguel Galán y Marcos Suárez; un certame nuevu de curtios grabaos con dispositivu móvil, y un pasaxe del terror "Haunted house", na Casa de la Mocedá, onde cada estancia va recrear l'escenariu d'una película de terror.
La gala de clausura y entrega de premios va tener llugar el 2 de payares, a les 19,30 hores, nel Teatru Municipal, en L'Entregu. La entrada como pal restu de proyecciones ye gratuita, pero fae falta la reserva previa nel departamentu de Cultura del Conceyu o na Casa de la Mocedá.
Puedes consultar tola programación clicando na semeya.