CAFCA n'Uviéu

El festival d'artes escéniques pa'l públicu familiar CAFCA (Cultura, Arte, Familia, Ciudá Abierta) desarrollarase durante esti fin de selmana n'Uviéu. Esti festival naz pa ufiertar esperiencies culturales distintes a tolos públicos. Les trés coordenaes que definen esta nueva iniciativa son la espresión artística alternativa (disciplines esperimentales), pa tolos públicos (evitando lo específicamente infantil y empobinándose escontra llinguaxes universales disfrutables tantu por adultos como por neños) y de cai (porque anque s'utilicen escenarios convencionales tamién se trata de salir de los espacios habituales de l'actividá cultural y artística para plantegar una reflexón sobre otres formes de rellacionase col espaciu públicu).
CAFCA va celebrar la so primer edición n'Uviéu los díes 28, 29 y 30 d'agostu. El programa inclúi más de venti espectáculos d'artistes locales, nacionales ya internacionales con danza, teatru de cai, performances, teatru de solombres, monólogos, talleres, música clásica y música contemporanea.
Los escenarios de CAFCA espárdense por tola ciudá, cola Fábrica d'Armes de La Vega como principal campu d'operaciones, pero tomando tamién el parque de Santullano, la Escandalera, l'Uviéu Antiguu o'l Teatru de Pumarín.
L'horariu de CAFCA ye:
Vienres 28 d'agostu: 16:00 a 23:30 h.
Sábadu 29 d'agostu: 11:00 a 14:30 y de 16:00 a 23:30 h.
Domingo 30 d'agostu: 11:00 a 14:30 y de 16:00 a 20:00 h.
Toles actividaes son gratuites, con aforos bien llindaos, ente 15 y 120 espectadores per espectáculu. P'aportar a les actividaes de CAFCA ye nesaria inscripción previa, a partir de güei martes puedes consiguir les invitaciones on line y conocer tola programación calcando na imaxen.