Autocine nel Niemeyer

La Plaza del Centru Niemeyer d'Avilés va tresformase nun autocine durante seis díes.
La fachada del Auditoriu, acabante restaurar, va convertise na pantalla de proyección de seis películes que podrán vese los díes 23, 24, 25, 30 y 31 de xunetu y 1 d'agostu a les 23:00 hores.
Les entraes, llimitaes a un aforu de 70 vehículos, podrán adquirise dende'l día 16 de xunetu nes taquilles del Centru Niemeyer, Citpa Uviéu y Llaboral Ciudá de la cultura en Xixón, y per vía telemática.
Avilés, 15 de xunetu de 2020. La llamada nueva normalidá sigue trayendo cambeos a la programación habitual del Centru Niemeyer. Nesta ocasión la novedá afecta a un espaciu, la Plaza, y a un área de programación, el cine, cola instalación d'un autocine que va dexar esfrutar del séptimu arte con seguridá.
Ente xunetu y agostu van tener llugar seis proyecciones de dos tales películes, toes elles a les 23:00 hores y en versión doblada al español. Van Ser:
- Cinema Paradiso, el xueves 23 de xunetu.
- Especiales, el vienres 24 de xunetu.
- Gentlemen, el sábadu 25 de xunetu.
- La famosa invasión de los osos en Sicilia, el xueves 30 de xunetu.
- Toos queremos algo, el vienres 31 de xunetu.
- And then we danced, el sábadu 1 d'agostu.
La programación supon una combinación d'obres clásiques y contemporanees que toma diverses temátiques y xéneros col enfotu d'atraer a un públicu diversu.