Apasionante y polémicu final d'etapa nel que Gaudu repite trunfu y Roglic ye virtual ganador de La Vuelta

143 corredores del pelotón de La Vuelta 20 tomaben la salida en Sequeros, sede por primera vez, pa dempués de 178,2 km llegar al Altu de la Covatilla, de Categoría Especial.

Nos últimos kilómetros el ciclista español Ion Izagirre atacó en dos ocasiones pero David Gaudu llegó dende atrás y superólu a 4 km de meta,marchando en solitariu y ganando la so segunda etapa en La Vuelta .

Mientres, tres d'ellos tenía llugar un apasionante duelu ente'l líder Roglic y  Carapaz. Faltaben tres kilómetros y mediu pa la meta cuando ataca Richard Carapaz. Primoz Roglic veíase sorprendíu y col vientu en contra, entamaron xubir los segundos de diferencia, pero sorprendentemente'l corredor serbiu tuvo'l sofitu del equipu Movistar, con Hofstede y Marc Soler arropándolu. Finalmente l' ecuatorianu del Ineos Grenadiers cruzaba la llínea de meta a ventiún segundos de Primoz Roglic, que  caltenía'l maillot coloráu con venticuatro segundos de ventaya.

Esti domingu tendrá llugar la última etapa de La Vuelta 2020, Hipódromu de la Zarzuela - Madrid. Una etapa llana y curtia, de 139,6 Km con un sprint intermediu y meta afayaiza pa la llucha pol maillot verde.

Tola información de la prueba ciclista tiénesla calcando na imaxen.