Animalías e incertidumbre nel Teatru Filarmónica

L'Ayuntamientu d'Uviéu da continuidá cola obra "Animalías e incertidumbres" a una intensa programación cultural nel mes d'abril.

Esta representación tendrá llugar el martes 6 d'abril a les 19:00 hores.

Animalías e incertidumbres ye como bautizaron les hermanes Sil y Gema Fernández esti proyectu orixinal qu'utiliza los paralelismos esistentes ente poesía y música, pa xenerar distintes converxencies emocionales y establecer un diálogu activu col espectador.

La propuesta ye llevar a escena dalgunu de los poemes de Gema Fernández de los sos dos poemarios "La eternidá tien los díes contaos" (Ediciones TORREMOZAS) y Animalías ya incertidume (Suburbia Ediciones).

Los testos son interpretaos por Gema Fernández, disparaos, sacudíos, proxectaos a los oyíos y güeyos del públicu, mientres Sil , guitarra en mano, esbilla cantares perfectamente integraos na atmósfera de los poemes, de tala manera que lliteratura y música dexen de ser autónomes ya independientes, pa fundise nun mensaxe únicu.

La función ye de baldre y forma parte de Circuitu Asturies, Cultura en Rede del Principáu d'Asturies. Les invitaciones pueden solicitase al traviés de la páxina del ayuntamientu d'Uviéu (calcando na imaxen), onde podrás ver el restu de la programación.