Amref Health Africa Premiu Princesa d' Asturies de Cooperación Internacional 2018

El Xuráu del Premiu Princesa d'Asturies de Cooperación Internacional 2018, integráu por Maite Arango García-Urtiaga, Josep Borrell Fontelles, Mitchell Codding, Beatriz Domínguez-Gil González, Paula Farias Huanqui, Mbuyi Kabunda Badi, Emilio Llambo d'Espinosa Michels de Champourcin, Daniel López Acuña, Jerónimo López Martínez, Jaime Montalvo Correa, Teresa Ribera Rodríguez, Rafael Sánchez Ortega, Luis Sánchez-Merlo Ruiz, presidíu por Gustavo Suárez Pertierra y actuando de secretaria Rosa María Calaf Solé, acordó conceder el Premiu Princesa d'Asturies de Cooperación Internacional 2018 a Amref Health África (Global) y Amref Salud África (España) pol esfuerzu sosteníu para dar rempuesta a les necesidaes de millones de persones nel continente africanu, complementando l'acción de los sistemes locales de salú.
Al traviés d'esta iniciativa foi posible llegar a les poblaciones más vulnerables y remotes que nun teníen accesu regular a servicios sanitarios. En particular, al traviés d'avionetes-ambulancia (flying doctors).
Esta organización desenvuelve tamién programes de formación a distancia para fortalecer capacidaes locales na llucha escontra'l sida, la tuberculosis y la malaria. Destaca'l so esfuerzu pa erradicar la mutilación xenital femenina con acciones de sensibilización social y cultural.