Alma Guillermoprieto Premiu Princesa d' Asturies de Comunicación y Humanidaes 2018

El Xuráu del Premiu Princesa d'Asturies de Comunicación y Humanidaes 2018, integráu por Luis María Anson Oliart, Alberto Edgardo Barbieri, Juan Barja de Quiroga Losada, César Bona García, Irene Cano Piquero, Aurora Egido Martínez, Taciana Fisac Badell, Elsa González Díaz de Ponga, Alan Goodman, José Antonio Sánchez Domínguez, Diana Sorensen, José Antonio Vera Gil, presidíu por Víctor García de la Concha, y actuando de secretariu Alberto Anaut González, alcuerda conceder el Premiu Princesa d'Asturies de Comunicación y Humanidaes 2018 a la periodista mexicana d'investigación, Alma Guillermoprieto, pola so llarga trayectoria profesional y la so fonda conocencia de la complexa realidá d'Iberoamérica, que tresmitió con enorme coraxe tamién nel ámbitu de la comunicación anglosaxona, tendiendo, d'esta miente, pontes en tol continente americanu.
Con una escritura claro, atayante y comprometía, Alma Guillermoprieto representa los meyores valores del periodismu na sociedá contemporanea.

Nacida en Ciudá de México en 1949, Alma Guillermoprieto desenvolvió tola so carrera n'Estaos Xuníos. Siendo  adolescente treslladose a Nueva York pa vivir cola so madre. Con formación de baillarina, en 1969 viaxó a L'Habana para impartir clases de danza y foi ellí onde, en 1978, empecipiar nel periodismu como freelance. Empezó como reportera d'América Central pa'l diariu The Guardian y más tarde pa The Washington Post, onde foi redactora de plantiya nos años 80.