ALFREDO. LA VENTANA DE TRAS. DESMEMORIES D'UN DIBUXANTE

El Muséu Barjola de Xixón inaugura'l xueves 6 de setiembre la esposición ALFREDO. LA VENTANA DE TRAS. ESMEMORIES D'UN DIBUXANTE, con 76 orixinales de los casi 200 correspondientes al llibru d'igual títulu, apocayá publicáu pola editorial Treseditores.

Esti inmensu y emocionante trabayu, realizáu mientres los postreros dos años, ilustra'l percorríu vital y profesional del asturianu d' Agüeria Alfredo (1933), Premiu Nacional d'Ilustración 2017, dende la so infancia en tierres de minería y vaques, los sos años de seminariu colos dominicos, o los sos entamos nel mundu de la publicidá y l'ilustración, hasta anguaño; según los sos viaxes en busca de ciudaes y paisaxes que dibuxar por tolo ancho del mundu. Maestru del dibuxu precursor de los actuales urbansketchers y de toa una xeneración d' ilustradores-, Alfredo percuerre nesta amuesa imprescindible la hestoria de los postreros ochenta años del nuesu país.