Al Llau del Llar,especial Día de les Lletres Asturianes

Esti miércoles 1 de mayu a les 18:30 hores y 22:00 hores tenemos un nuevu programa d'Al Llau del Llar en Radio San Martín que dedicamos a la celebración del Día de les Lletres Asturianes, polo qu'escucharemos dellos cantares pola Oficialidá y a la Banda de Gaitas El Trasno de Coaña, Premiu Meyor Cantar 2019.

Falaremos con Xose Antón González Riaño, Presidente de l'Academia de la Llingua Asturiana.

Como ye habitual falaremos de cine, de les películes que puen vese nos Cines Artesiete y conoceremos los ganadores de les 4 entraes dobles pa ver la peli que quieran, cuando quieran, nos cines Artesiete del Nalón o del Caudal.

Falaremos cola escritora sotrondina residente en Madrid, Eva Barro, con motivu la presentación del so llibru "Un hombre normal" na Casa la Xuventú de Sotrondio el xueves 2 de mayu les 19:00 hores.

Taremos con Sandra García, de Cruz Roja Alto Nalón pa falar del Desfile Solidariu que tendrá llugar esti sábadu 4 de mayu nel Aula Cultural la Plaza de Sotrondio.

Too ello con Javier del Caño , Nacho Fernández y Martín Ardines.