Al aire llibre. Esposición de semeyes nel Niemeyer
La Plaza del Centru Niemeyer acueye la esposición "Al aire llibre",onde tresllada la fotografía de gran formatu a la cai hasta'l 27 de setiembre.
Los fotógrafos José Ramón Ais, Begoña Antón, Amparo Garrido, Jorge Fuembuena y Jesús Madriñán muestren un total de 24 obres de gran tamañu repartíes al aire llibre por distintos allugamientos de la Plaza.
La nueva esposición de fotografía del Centru Niemeyer, titulada "Al aire llibre", ocupa la Plaza del Centru Niemeyer con 24 obres de cinco fotógrafos col claru oxetivu de llevar l'arte a la cai para somorguiar al públicu nel color y la vida qu'estes obres reflexen. Asina, tres una cuarentena que zarró a tol país nos sos llares, el públicu va poder esfrutar del arte onde más deseya tar nestos momentos: al aire llibre.
Según Carlos Cuadros, director del Centru Niemeyer "La esposición fáese na Plaza pa dexanos recuperar la primavera qu'anguaño solo pudimos imaxinar dende les ventanes de la nuesa casa" .
